Kryeministri Edi Rama ka reaguar në një postim në Twitter ku njofton se mbledhja e sotme e qeverisë ka në fokus studentët me 8 kërkesat e tyre si dhe dokumentin e punës mbi Paktin për Universitetin.
Rama shkruan më tej se në orën 11:30 do të ketë një konferencë shtypi të drejtpërdrejtë ku do të njoftohet mbi vendimet e Këshillit të Ministrave si dhe planin e punës në vijim lidhur me kërkesat e studentëve.
“Mbledhja e Qeverisë sot ka në fokus studentët, 8 kërkesat e tyre dhe dokumentin e punës mbi Paktin për Universitetin. Vendimet përkatëse të Këshillit të Ministrave (VKM), si edhe plani i punës në vijim, do të njoftohen për publikun në një konferencë shtypi të posaçme,live 11.30”, shkruan Rama në Twitter.
Mbledhja e Qeverisë sot ka në fokus studentët, 8 kërkesat e tyre dhe dokumentin e punës mbi Paktin për Universitetin. Vendimet përkatëse të Këshillit të Ministrave (VKM), si edhe plani i punës në vijim, do të njoftohen për publikun në një konferencë shtypi të posaçme,live 11.30?
— Edi Rama (@ediramaal) December 26, 2018
