Studentët që qëndrojnë para Ministrisë së Arsimit po diskutojnë për zhvendosjen e tyre në Parlament.
Gazetarja në terren e Tirana Today, Anxhela Ferra njofton se diskutimi bëhet fjalë për një zhvendosje të mundshme drejt parlamentit ditën e nesërme, pra të enjten kur pritet të mblidhet Kuvendi.
Ende nuk është marrë një vendim përfundimtar, por me gjasa studentët do pranojnë të mblidhen para Kuvendit për të kërkuar plotësimin e 8 pikave që ata i kanë parashtruar Ministrisë së Arsimit dhe Sporteve, por edhe kryeministrit Rama.
Ky i fundit insiston në takimin me një përfaqësi të studentëve për të dialoguar, ndërsa vetë studentët janë të vendosur se nuk ka dialog, pasi duan miratimin e menjëhershëm të 8 pikave./ TIRANA TODAY
