Kryetari i Kuvendit të Maqedonisë së Veriut me siguri është trembur nga shfaqja e shëmtuar, teksa është i pranishëm në parlamentin shqiptar.
Kryetari Basha duke iu referuar tragjedisë në Maqedoninë e Veriut, shprehu ngushëllimet e tij për familjarët e më pas tha se ajo që po ndodh në Shqipëri është një tjetër mort.
Gjatë fjalës së tij, Basha tha po ashtu se nuk do të hapen negociatat për Shqipërinë si dhe kërkoi që shqiptarët t’i bashkohen protestës.
Menjëherë ka marrë fjalën Rama, i cili tha:
“I nderuar zoti Xhaferri. Ju kërkoj ndjesë për këtë shkelje të kodit të mikpritjes, por fëmiu që sapo foli jo vetëm që nuk i mendon ato që thotë, por nuk di se çfarë thotë. Edhe njëherë ju kërkoj ndjesë.”
Menjëherë Paloka është ngritur duke spërkatur me bojë kryeministrin Rama me anë të një shiringe. Kreu i Kuvendit Ruçi i njoftoi atij përjashtimin nga seanca duke urdhëruar gardën që ta largojë deputetin demokrat.
