Një çantë e dyshimtë është gjetur para pak minutash në Tiranë, në Unazën e Re, pranë pallateve Mesapliku.
Çanta, e cila dyshohet të jetë lëndë plasëse, është gjetur në shkallët e një pallati. Në vendngjarje kanë mbërritur forca policore të komisariatit numër 6, ndërsa priten të mbërrijnë edhe forcat xheniere.
Njoftimi i policisë:
Tiranë
Informacion Paraprak
Më datë 03.11.2018, rreth orës 15:02 në zonën e “Unazës së Re” poshtë shkallëve të një kompleksi pallatesh është konstatuar një çantë në dukje e dyshimtë.
Në vendngjarje ndodhen shërbimet e Policisë të Komisariatit Nr.6 të cilat kanë formuar perimetrin e sigurisë si dhe është njoftuar njësia antieksplozivë.
