Pasditen e sotme, në aksin Vlorë-Fier, është qëlluar me armë zjarri në drejtim të një makine tip ‘Golf’. Ngjarja ka ndodhur tek “Ura e Mifolit”.
Automjeti mësohet të jetë qëlluar nga një mjet tjetër dhe pas të shtënave, drejtuesi i makinës ka humbur kontrollin duke përfunduar në kanal.
Ende nuk bëhet me dije nëse ka viktima, apo të plagosur.
Ndërkohë, policia dhe ambulanca ndodhen në vendngjarje.
