Në faqen zyrtare të Ministrisë së Jashtme të Etiopisë është postuar një hartë e kontinentit të Afrikës, në të cilën nuk shihet asgjëkundi Somalia.
Somalia ishte e fshirë tërësisht nga harta e kontinentit të Afrikës, por territori i vetëshpallur Somaliland, që nuk njihet botërisht si i tillë, ishte i përshirë në këtë hartë.
I menjëhershëm ka qenë reagimi i Ministrisë së Jashtme të Etiopisë, e cila ka kërkuar falje edhe është përpjekur ta sqarojë situatën.
“Sinqerisht, ne pendohemi për çdo konfuzion apo keqkuptim që ky ‘incident’ mund të ketë sjellë,” – shkruhet në postimin e Ministrisë së Jashtme.
Të dyja këto shtete kanë një histori të gjatë rivaliteti mes tyre, pasi në të shkuarën kanë pasur shumë luftëra për kufijtë e tyre.
Por marrëdhëniet mes këtyre shteteve janë përmirësuar që pas ardhjes në pushtet të kryeministrit etiopian, Abiy Ahmed.
Ai u zgjodh si kryeministër i Etiopisë vitin e kaluar dhe që nga ajo kohë ai është munduar të zbusë tensionet në rajon, raporton BBC./ Përshtati Tirana Today
