Ky është momenti tronditës kur një vajzë tre-vjeçare u shpëtua nga policët meksikanë, teksa ndodhej në një depozitë uji. Nëna dhe njerku i saj e kishin hedhur brenda.
Fqinjët në Chalco, Shteti i Meksikës, thirrën policinë pasi dëgjuan të voglën e tmerruar duke bërtitur për ndihmë.
Video tregon momentin kur oficerët mbërritën në shtëpi dhe zbritën në oborr. Pamjet tregojnë një nga agjentët që vrapon drejt depozitës, dhe shikon brenda para se ta ulë në tokë. Prokurori i Përgjithshëm i Drejtësisë i Shtetit të Meksikës, raportoi se vajza e vogël ‘po qante dhe kërkonte ndihmë’.
Një oficer më pas nxori jashtë fëmijën që qante. Ajo u tha oficerëve; ‘prindërit e mi më lanë’. Vajza është konstatuar në gjendje të mirë shëndetësore, dhe nuk ka pësuar lëndime trupore.
Nëna e vajzës, María Lucila, dhe njerku, Javier, u morën menjëherë në paraburgim pasi u kthyen në shtëpi.
Të pandehurit u akuzuan për ‘dhunë në familje’, dhe po mbahen në burgun e Chalco.
Çiftit iu ofrua një garanci prej 245 dollarësh, si pjesë e lirimit të tyre me kusht. Ata pranuan se e kishin lënë vajzën brenda depozitës së ujit për rreth 15 minuta.
Nuk është e qartë pse e lanë brenda, por ata thanë se nuk mund ta çonin në punë. Agjencia lokale e mbrojtjes së fëmijëve po kujdeset për mirëqenien e saj, ndërkohë që situata ligjore e nënës dhe njerkut të saj është zgjidhur.
“Është një situatë psikologjike. Ata kujdesen vazhdimisht për të”, tha prokurorja e Chalco, Carmina Gutiérrez, cituar nga gazeta El Gráfico.
Gutiérrez shtoi se një psikolog është takuar rregullisht me vajzën për seanca këshillimi.
‘Asaj i mungon shumë nëna e saj. Ajo është vetëm tre vjeç’. Pra, si çdo të mitur, asaj i mungon nëna e saj, pavarësisht gjestit që bëri.
Burimi i lajmit: dailymail. Përshtatur nga Tirana Today
