Efektivja e “Shqiponjave” e cila humbi katër gishtat e dorës, si pasojë e një kapsolle të hedhur nga protestuesit, quhet Ina Muka, 24-vjeçe.
Pamjet e rënda që qarkullojnë në media, tregojnë se si kapsollat e rëna mbi të i kanë këputur gishtat. Dy kolegë i janë afruar me shpejtësi për ta ndihmuar, ndërsa ajo ulëret nga dhimbjet.
Policia konfirmoi se në Spitalin e Traumës në Tiranë, po marrin mjekim 12 punonjës policie. Mes tyre, 2 në gjendje më të rëndë, pra efektivja që ka humbur gishtat dhe një tjetër që ka humbur dëgjimin.
Burime jo zyrtare thonë se deri tani janë shoqëruar 10 protestues, të cilët kanë qëlluar me shkopinj e kanë hedhur kapsolla në drejtim të policisë.
https://tiranatoday.com/pamjet-te-kepusin-shpirtin-efektivja-humbet-ndjenja-i-keputen-gishtat-ne-proteste/
