Kur do flasim? Kjo ka qënë kryefjala e muajit të fundit, pasi studentët nuk e toleruan për asnjë çast kryeministrin Rama, deri në plotësimin e të gjithë kërkesave të tyre. “Nisma Thurje” ka ndarë me qytetarët një detaj pikant, referuar emisionit ku Ermal Mamaqi ka ftuar Ramën.
Në një moment kur kryeministri shfaqet në video me kutinë e bojërave, pas tij duket një oxhak, që nga kërkimet rezulton të jetë fjala e fundit e teknologjisë së këtij produkti.
Sipas disa portaleve që kanë publikuar fotot dhe çmimet, ky oxhak me përmasa 150cm x 113cm x 53 cm, është krijuar prej një materiali të kushtueshëm dhe çmimi i tij varion nga 12 000 në 18 000 euro.
“Thuaj diçka për këtë foto!
Oxhaku Antrax Drop, (i blerë me lekët e emigracionit) kushton mes 10 dhe 18 mijë euro, teksa një inkubator kushton rreth 700 euro.
Ndërsa ky zhgaravit në ngrohtësi, bebet në maternitetin e Tiranës vdesin si pasojë e mungesës së inkubatorëve.
Boll heshte!”.
