Mbrëmjen e 10 prillit kryeqyteti u trondit nga ekzekutimi i të riut Mario Majollari, poshtë shtëpisë së tij. Sipas policisë ngjarja ka ndodhur për shkak të hakmarrjes, pasi babai i tij në vitin 2000 kishte vrarë dy presona dhe u dënua me burgim të përjetshëm.
I riu kishte vetëm 5 ditë që gjendej në Shqipëri, pasi ishte kthyer nga Suedia, ku i kishin refuzuar azilin.
Së fundmi, e motra ka publikuar një video në “Facebook” ku shfaqet me Marion në një dasmë duke kënduar këngën e Artjola Toskës “Mirëmëngjesi dashni”, duke i thënë vëllait “bota ime je”.
Prindërit e Marios ishin divorcuar qëkur ai ishte 2-vjeç, dhe nëna ishte kujdesur e vetme për t’i rritur dy fëmijët.
I ati Avni Majollari, i cili nuk mori leje nga burgu, ku është dënuar për vrasjen e dy personave në vitin 2000, as për të përcjellë të birin për në banesën e fundit.
