Këngëtarja Fjolla Morina u arrestua pak ditë më parë në Morinë bashkë me dy personat që e shoqëronin, biznesmeni Fisnik Syla dhe shoferi Fitim Muji.
Biznesmeni Fisnik Syla është i dashuri i këngëtares dhe sipas GSH, është pikërisht ai që i ka blerë këngëtares Audin Q7 luksoz si dhe djali i biznesmenit të njohur shqiptar nga Kosova Agim Syla. Ata kanë në Belgjikë një rrjet prej 5 hotelesh, në zonën e Sint-Niklaas, ndërsa vet Fisniku është president i ekipit të futbollit FC Gerda Waasland.
Syla është pikërisht personi që ‘përkëdhel’ me dhurata luksoze këngëtaren seksi. Ndonëse më i ri në moshë, të dy kanë pak kohë që frekuentohen, duke shijuar këtë marrëdhënie mes Belgjikës dhe Prishtinës. Kjo lidhje duket se ka pak kohë që ka nisur, por të dy kanë vendosur ta shijojnë pa fund.
Gjykata e la këngëtaren në masën “Arrest shtëpie”, ndërsa biznesmeni Syla dhe Fitim Muji janë në “Arrest me burg”. Fotot e mëposhtme janë shkrepur në Kukës, aty ku Fjolla Morina qëndron në masën e sigurisë.
