Ish-ministri i Brendshëm, Saimir Tahiri regjistroi sot emrin për të diskutuar në Kuvendin e Shqipërisë. Por më pas vendosi të mos e frekuentojë seancën plenare. E megjithatë sot vëmendja u fokusua tek situata e acaruar e opozitës e cila në formë proteste bllokoi foltoren e Kuvendit.
Burime nga media konfirmojnë se ka pasur një takim kokë me kokë të Tahirit me Ramën.
Takimi Rama-Tahiri është zhvillua pas publikimit të raportit të ‘Freedom House’ ku flitej se Tahiri është i përfshirë në trafikun e drogës, por ka mbrojtjen e Ramës dhe të PS.
Në raportin më të fundit të ‘Freedom House’ për Shqipërinë, përmendet edhe ish-ministri i Brendshëm, Saimir Tahiri. Sipas kësaj organizate, përparimi në rënien e kultivimit të kanabisit, u zbeh nga dyshimet se ish-ministri ishte i lidhur me një rrjet shqiptaro-italian të trafikut të drogës.
Sipas raportit në fjalë, gjatë 2017-ës, pati njëfarë përparimi në luftën kundër drogës. Mirëpo rënia e kultivimit të kanabisit u zbeh pas publikimit të dyshimeve për lidhjet e Tahirit në këtë aktivitet të paligjshëm.
“Megjithatë këto njoftime, shumica socialiste në parlamentin e Shqipërisë votoi kundër kërkesës së prokurorëve për t’i hequr Tahirit imunitetin parlamentar, që ai të mund të arrestohej”, thuhet në raport.
