Të gjithë sytë janë drejt Real Madridit, që pritet të përzgjedhë trajnerin e ri. Por, tashmë një lajm i bujshëm ka trembur jo pak juventinët, teksa mediat spanjolle flasin për një drejtim nga i madhi Massimiliano Allegri.
“El Chiringuito Tv” shkruan se tashmë palët kanë rënë dakord, teksa Allegri ka pranuar ofertën e presidentit të Realit. Po ashtu, “Ok Diario” shkruan se Reali ka hequr dorë nga ideja për të afruar në Madrid Pochetinon, një tratativë, e cila tashmë është e pa mundur.
Allegri ka një kontratë të vlefshme me Juven deri në vitin 2020, nëse këtë vit së bashku me Ronaldon arrin të fitojë Champions League, atëherë mund të largohej nga Torino pa shumë problem. Në Spanjë shkojnë edhe më tej duke theksuar se Juve nuk do ta kishte shumë problem të zëvendësonte Allegrin, pasi Zinedin Zidane është gati të rikthehet tek klubi ku u bë i famshëm.
