Napoli vazhdon të jetë në garë për tu shpallur kampion i Italisë këtë sezon edhe pse ndodhet 4 pikë më pak se Juventusi kryesues. Pavarësish fo0rmës së mirë që po kalon Napoli dhe kualiteteve që ka në ekip, duket se nuk mund të bindë trajnerin Maurizio Sarri edhe për sezonin tjetër.
Shtypi italian ka zbuluar se Sarri nuk e ka zgjatur kontratën e vilës së tij në Varkaturo, madje ka kërkuar prishjen e kontratës 15 ditë më parë. Ndoshta trajneri ka menduar thjesht të ndërrojë shtëpi, por mundësitë më të mëdha janë që Chelsea ta ketë bindur atë për ta marrë në Londër.
Ikja e trajnerit Sarri nga Napoli, me shumë gjasa do të thotë edhe ikje e mbrojtësit kuqezi, Elseid Hysaj. Futbollisti shkodran është një ndër të preferuarit e trajnerit Sarri dhe është e lehtë të mendohet se mund ta marrë me vete te skuadra e re.
Për Sarrin më pranë duket Chelsea, por edhe Monaco në Francë i ka kërkuar me ngulm shërbimet e këtij trajneri. Aventura e tij te Napoli duket e përfunduar, po ashtu edhe e Hysajt, mbrojtësit të kërkuar nga shumë skuadra të mëdha.
