Kryeministri Berisha publikoi sot një foto, ku shkruante se disa punonjës policie të veshur me uniformë, kishin marrë pjesë në një mbledhje partie në Memaliaj.
Pas publikimit të rastit, ka reaguar Laert Duraj, kandidat për deputet i Partisë Socialiste në Qarkun e Gjirokastrës.
Ky i fundit ka hedhur poshtë akuzat e ish-kryeministrit me anë të një postimi në Facebook.
Duraj shkruan se fotoja është shkrepur më 2 maj, në festën e Teqesë së Çërrilës, duke hedhur poshtë akuzat e Berishës, të cilat i quan “dashakeqësi”.
REAGIMI I LAERT DURAJ:
Përshëndetje!
Dëshiroj t’ju informoj në lidhje me lajmin e përhapur në disa portale, ku hamendësohet përfshirja e policisë në fushatën time zgjedhore si kandidat për deputet, Qarku Gjirokastër, Bashkia Memaliaj.
E vërteta është fare e thjeshtë. Foto është shkrepur në pasditen e datës 2 Maj, në festën e Teqesë së Çërrilës.
Unë ndihem shumë i nderuar që kam marrë pjesë në këtë festë si ftuar i Babait të Teqesë. Ashtu si e do tradita e zonës, dera është e hapur për të gjithë, ndërsa vendet përcaktohen nga i zoti i shtëpisë.
Kështu, çdo insinuate në lidhje me përfshirjen e policisë apo çdo lloj strukture tjetër policore është thjesht keqdashësi. Ndihem i habitur që vrulli për të njollosur këtë proces zgjedhor nuk ndalet as para Vendeve të Shenjta. Megjithatë, kam bindjen e plotë që ky proces do të jetë i pari brenda standarteve Europiane, duke na çuar drejt Shqipërisë Europiane, drejt Shqipërisë që duam.
