Një ngjarje tronditëse ndodhi mbrëmjen e djeshme në zonën e Babrrusë, ku u raportua për një vajzë të vrarë. Familjarët e 13-vjeçares janë shprehur se ajo është vrarë me armë zjarri.
Xhevat Braja kur është kthyer nga puna, e ka gjetur vajzën të shtrirë, dhe pa shenja jete në divan.
“Vajza është qëlluar me armë zjarri. Në shtëpi ka qenë vëllai i vajzës dhe nusja e tij. Xhevat Braja kur është kthyer nga puna e ka gjetur vajzën të shtrirë dhe pa shenja jetë në divan”, kanë thënë familjarët.
E mitura jetonte bashkë me prindërit e saj, të cilët janë shurdhmemecë. Fillimisht u raportua se vajza është gjetur nga babai me plagë thike në trup, dhe më pas është shoqëruar për në spitalin e Traumës.
Për fat të keq, ajo aty ka humbur edhe jetën. Sakaq, blutë e Tiranës vijojnë hetimet, për të zbardhur ngjarjen.
