Gjykata e Elbasanit ka lënë në burg dy rusët dhe ukrainasin të cilët u kapën në uzinën ushtarake. Togat e zeza e kanë cilësuar të ligjshëm arrestimin e tyre.
Në vendimin e dhënë nga gjyqtarja Pajtime Fetahu, u cilësua i ligjshëm arrestimi i dy rusëve dhe ukrainasit. Të tre këta shtetas u arrestuan pasi tentuan që të hynin në ambientet e uzinës, ndërsa një prej tyre sulmoi edhe dy ushtarët që ruanin godinën, Adrian Xhaka dhe Aldo Bici.
Mikhail Zorin dhe Svetlana Timofeeva, si dhe ukrainasi Fedir Alpatov akuzohen për sigurimin e informatave dhe goditje për shkak të detyrës. Seanca u zhvillua me dyer të mbyllura, pasi konsiderohet që ka sekret shtetëror të hetimit.
