Muajt e fundit tek Juventus janë vënë re probleme të mëdha, mes klubit dhe yllit argjentinas Paulo Dybala. E gjitha filloi që pas një vizite që agjenti dhe njëkohësisht vëllai i tij, Gustavo bëri një vizitë në Paris dhe takoi krerët e PSG-së. Sipas raporteve të fundit nga Rai Sport, edhe pse Dybala është rikthyer në ekip dhe të jetë i rëndësishëm, ka akoma tension mes klubit dhe agjentit.
Thashethemet nëpër Evropë sugjerojnë edhe njëherë se argjentinasi mund të jetë tunduar për t’u larguar nga Juventus në fund të sezonit. Gjigantët e europës, Real Madrid, Manchester United dhe Paris Seint-Germain thuhet se janë interesuar për shërbimet e ish-yllit të Palermos.
E ardhmja e Dybala ka një vit që përflitet thuajse çdo ditë në mediat evropiane. Mosmarrëveshjet e përfaqësuesve, Juve-s dhe sponsorëve që kanë ndikuar edhe te paraqitjet e tij në fushë. pa harruar dëmtimet e tij këtë sezon.
Sugjerohet se Parisi është destinacioni më i mundshëm, sidomos nëse Neymar largohet për t’iu bashkuar Los Blancos në verë. Gjithsesi, edhe United me Real Madrid janë duke monitoruar me vëmendje situatën e tij.
