Paulo Dybala i ka hapur rrugën një transferimi të mundshëm tek Manchester United, pasi është shprehur se i mungon miku i tij Paul Pogba. Dybala konsiderohet si një nga sulmuesit më të mirë në Serie A, pavarësisht rënies në një rol më të thellë këtë sezon. Nuk është sekret se United po kërkon të shtojë një lojtar tjetër në vijën e sulmit, dhe Dybala duke luajtur në shumë pozicione ia vlenë të paguhet një faturë e majme.
Juventusi i ka rinovuar kontratën yllit argjentinas dhe ai fiton një shumë të lartë, kjo të bën të kuptosh që ata nuk do ta lejojnë lehtë të largohet nga Torino. Por Dybala pranon se ai ndoshta nuk do të jetë në Juventus për pjesën tjetër të karrierës së tij, dhe pranon se jeta pa Pogba nga ana e tij është “e vështirë”.
Dybala u shpreh për “France Football”: “Nuk mund të premtoj që do të qëndroj përgjithmonë në Juventus. Nuk varet nga unë, por nuk dua të them se ky do të jetë sezoni im i fundit këtu. Dua të fitoj gjithçka tani. Futbolli është i çuditshëm, nuk e di se çfarë do të ndodhë në të ardhmen. Por tani nuk them që ky është viti im i fundit dhe po largohem. Mendoj për të tashmen dhe përpiqem të fitoj gjithçka. Largimi i Pogbës ishte një goditje e vështirë për mua. Ai është një mik i imi, ne kemi qenë në kushte shumë të mira dhe jashtë fushe.” TIRANA TODAY
