Update/Policia e Tiranës ka shoqëruar dy persona, si autorë të dyshuar të grabitjes së banesës së nënës së ministrit Damian Gjiknuri.
Lajmin e raporton “News 24”, por ende nuk ka detaje rreth personave që janë shoqëruar në polici.
Me herët, policia konfirmoi lajmin për grabitjen e banesës se nenës se ministrit. Lirije Gjiknurit i’u grabit banesa dy net më parë.
Ora 11: 57/ Grabitet banesa e nënës së ministrit Damian Gjiknuri, policia jep detaje
Banesa e nënës dhe vëllait të ministrit Damian Gjiknuri ka rënë pre e një grabitjeje. Mësohet se grabitja ka ndodhur dy netë më parë në Tiranë, ndërsa ngjarja konfirmohet edhe nga Polica e Tiranës.
Mësohet se nëna e ministrit, 67-vjeçarja L.Gjiknuri, ka bërë një kallëzim në polici, ku ka deklaruar se në banesë janë vjedhur disa sende personale e një sasi parash.
Vjedhja ka ndodhur në rrugën “Maliq Muça”, mbrapa Ministrisë së Drejtësisë.
Dyshohet se grabitësit kanë qenë tre persona, ndërsa policia po heton për zbardhjen e ngjarjes.
Njoftimi i Policisë:
Gjatë natës, në rrugën “Maliq Muça”, persona të paidentifikuar, kanë vjedhur banesën e shtetases L. Gj. 67 vjeçe banuese në Tiranë, ku kanë marrë shumë lekësh.
Vijon puna per identifikimin dhe kapjen e autoreve
Materialet u referuan në Prokurorinë e Rrethit Gjyqësor Tiranë. Neni 134 i Kodit Penal.
