Dy shqiptarë kanë marrë iniciativën për të restauruar falas një kishë në Itali. Nga e premtja në mëngjes, Luan Hallulli dhe Arbert Muça shkojnë në punë për të ristrukturuar pjesën e brendshme të kishës së San Rocco, dhe këtë e bëjnë falas.
Ata nuk janë të krishterë, por kur panë kishën e San Rocco në Pratola Peligna, ku njerëzit nuk kishin kushte për të qëndruar, nuk qëndruan indiferentë. Menjëherë morën mjetet e tyre të punës, dhe vepruan.
Kjo nuk është veçse një gjest i vëllazërisë dhe solidaritetit nga dy ndërtues me origjinë në Shqipëria, por për shumë vjet banor në Pratola Peligna.
Luani dhe Alberti nuk e kanë fshehur besimin e tyre mysliman. Ata thonë se “megjithatë ne jemi fëmijë të Zotit, nuk ka asgjë për të qenë katolik, ortodoks apo myslimanë. Ne besojmë vetëm në një Zot, dhe ai është ai që na drejton në atë që bëjmë”.
Mediat italiane i kanë kushtuar një shkrim dy emigrantëve shqiptarë. Luani dhe Alberti, javën e kaluar po kryenin punime në një shtëpi të zonës. Duke përfituar nga pushimi i drekës, hynë në kishë dhe u habitën nga gjendja e saj.
“Gjithçka ishte e shkatërruar”, thotë Luani, “plot me vrima në mure dhe rrënoja në çdo cep”. I thashë Albertit: “Bëjmë diçka, dhe shkuam te furnizuesit tonë për të blerë produktet. Zonja që kujdeset për kishën, na tha:” Zoti ju bekoftë, askush nuk e kishte bërë ndonjëherë diçka të tillë për kishën”.
