Real Madrid ka në përbërje një brez të ri i cili premton një të ardhme të madhe. Dy talentet që kanë bërë diferencën sa herë janë aktivizuar në fushë, ata janë Marco Asensio dhe Lucas Vasquez. Asensio ka lënë gjurmë te Real Madrid në dy vitet e fundit pas shpërthimit të tij. Interesimi për të ka qenë i madh nga klubet e mëdha në Europë.
Por edhe Real Madrid e di shumë mirë se çfarë talenti ka në duar. Sipas agjentit të tij Horacio Gaggioli, Los Blancos kanë refuzuar dy oferta mbi 150 milionë euro për të. Këtë ia ka rrëfyer Gaggioli emisionit të mirënjohur spanjoll Cadena Ser.
Dy ofertat thuhet të kenë ardhur nga kampionati më i pasur për momentin, Premier League. Agjenti nuk i ka përmendur dy klubet. Arsyeja e refuzimit: Asensio ka një të ardhme të madhe përpara dhe këtë e di shumë mirë edhe klubi i Real Madrid.
