Dy ministre të kabinetit Rama do të ngjiten në këtë të enjte në foltore, pasi janë thirrur për interpelancë.
Konkretisht, ministrja e Arsimit Lindita Nikolla është thirrur në interpelancë nga LSI lidhur me çështjet e arsimit të lartë, ndërkohë që ministrja e Shëndetësisë, Ogerta Manastirliu është thirrur nga PS për kontrollin shëndetësor, raporton BalkanWeb.
Kujtojmë se javën e kaluar opozita thirri në interpelancë ministrin e Infrastrukturës dhe Energjetikës Damian Gjiknurin, për të dhënë ‘llogari’ për procedurat me inceneratorët.
