Sot fillon pelegrinazhi i Haxhit në Arabinë Saudite dhe rreth dy milionë myslimanë nga e gjithë bota nisen për në Mekë.
Për 14 shekuj me radhë myslimanët nga e gjithë bota mblidhen në Mekë për të ndjekur shembullin e Profetit të tyre Muhamed. E shtuna është dita e parë e Haxhit kur besimtarët i japin ujë kafshëve dhe rimbushin rezervat e ujit. Ndërsa dita e diel konsiderohet si pika kulmore e pelegrinazhit, kur besimtarët i drejtohen malit Arafat.
Pelegrinazhi i Haxhit është një nga 5 shtyllat e Islamit,secili mysliman që ka mundësi, duhet të shkojë të paktën një herë në jetën e tij në këtë ritual.
Rreth 90 mijë iranianë do të marrin pjesë në haxhillëk këtë vit, pasi e kishin bojkotuar ceremoninë në vitin 2015 pas një rrëmuje ku u vranë më shumë se 2.000 njerëz.
Duke pasur parasysh ngjarjet e përgjakshme të viteve të mëparshme pelegrinazhi po zhvillohet në kushte të rrepta sigurie.
