Një grua nga Vlora e ka pësuar keq, pas hetimit të Prokurorisë së Vlorës. Shtetasja me iniciale T.B. ka pasur në llogari bankare një shumë të madhe monetare, konkretisht 298.324 Euro.
Por, policia e Vlorës e ka sekuestruar këtë shumë, teksa dyshohet se 57-vjeçarja ka kryer veprën penale “pastrim parash”, teksa mendohet se i biri i saj ka kryer vepro,tari kriminale.
Kështu, vlonjatja po hetohet për akuzën “Pastrimi i produkteve të veprës penale ose veprimtarisë kriminale”.
“Specialistët e Seksionit për Hetimin e Krimit Ekonomik e Financiar në Drejtorinë Vendore të Policisë Vlorë në bashkëpunim me Prokurorinë e Rrethit Gjyqësor Vlorë, ditën e sotme kanë bërë të mundur sekustrimin e dy llogarive bankare të shtetases T.B., 57 vjeçe, banuese në Vlorë, me një shumë totale prej 298.324 Euro”, njofton policia.
