Deputetja Rudina Hajdari ka bërë thirrje që shqiptarët të distancohen nga dhuna në zgjedhjet e 30 qershorit.
Në një deklaratë për shtyp, Hajdari sulmoi opozitën dhe mazhorancën, ndërsa shtoi se ndryshimi i sistemit zgjedhor është emergjent për të dalë nga kjo krizë.
Deklarata e Hajdarit:
Nuk duhet injoruar fakti që jemi para një situata të vështirë politike. Kemi opozitën që dogji mandatet dhe po pengon rrugën e integrimit me protesta që kanë qenë të dhunshme. Nga ana tjetër qeveria Rama ka dështuar të rimëkëmbë ekonominë, e ka lënë Shqipërinë shumë mbrapa. Mazhoranca ka zvarritur zbatimin e Reformës në Drejtësi. Nuk ka Gjykatë Kushtetuese, nuk ka Gjykatë të Lartë. Është e qartë se cili është mendimi i ndërkombëtarëve në lidhje me korrupsionin në vend. Duam të shikojmë rezultate konkrete të luftës ndaj korrupsionit.
Ndryshimi i sistemit zgjedhor është një situatë emergjente në vendin tonë. Kushtetuta është e shenjtë, duhet të mbrojmë vullnetin e atyre që luftuan që Shqipëria të futet në BE. Politika s’duhet të bëhet pengesë e integrimit evropian. U bëj thirrje për nga dhuna të të gjitha palëve. Distancohuni nga dhuna, ka ardhur koha të vazhdojmë rrugën tonë evropiane.
