Brenda një harku të shkurtër kohor, janë djegur pesë çerdhe në Tiranë. Në pesë ditë, flakët e zjarrit kanë djegur dy çerdhe në kryeqytet. Paraprakisht hidhen hijet e dyshimit mbi zjarrvënie të qëllimshme, e ndërsa ende nuk dihen përgjegjësit e këtyre ngjarje, që fatmirësisht nuk janë shoqëruar me dëmtime në njerëz.
Mbrëmjen e djeshme, çerdhja nr 16, në rrugën “Nikolla Tupe”, është përfshirë nga flakët. Ambienti i kthyer në çerdhe ndodhet në të njëjtën godinë me zyrat e njësisë bashkiake numër 5. Nga të dhënat e deritanishme, dyshohet se zjarri ka ardhur për shkak të një defekti që ka patur frigoriferi i çerdhes.
“Më datë 21.08.2018, rreth orës 19:25, në rrugën “Nikolla Tupe”, në katin e dytë të godinës së “Çerdhes Nr.16”, ka rënë zjarr. Në godinë nuk ndodhen njerëz. Në vendngjarje janë shërbimet e Komisariatit të Policisë Nr.2 dhe zjarrfikësja, të cilët bënë fikjen e zjarrit. Paraprakisht dyshohet për zjarr aksidental, nga një shkëndije në një pajisje”, bën me dije policia.
Ky nuk është rasti i vetëm, pasi në datën 16 gusht, flakët shpërthyen në çerdhen nr 14, në Tiranë, në zonën e “Ali Demit”, ku fillimisht u raportua se një bombol gazi kishte shpërthyer, dhe se fatmirësisht nuk kishte të lënduar.
https://tiranatoday.com/shperthimi-drejtoresha-e-cerdhes-ne-kontradikte-me-policine-kush-genjen-ne-kete-rast/
Në njoftimin fillestar u tha se zjarri kishte rënë në një çerdhe, ndërsa policia raportoi se zjarri kishte rënë në një dhomë, e cila shërbente si magazinë për çerdhen tek “Ali Demi”.
https://tiranatoday.com/zjarri-ne-cerdhen-nr-14-ne-tirane-mund-te-jete-i-qellimshem-ja-dyshimet-e-eksperteve/
Aktualisht, në të dyja ngjarjet ende nuk ka një përgjegjës!
