Policia Kufitare në bashkëpunim me Rojën Bregdetare, gjetën dhe sekuestruan në zonën e Gjirit të Lalëzit, 113 kg lëndë narkotike Cannabis Sativa. Sipas deklaratës së policisë, në afërsi të Kepit të Rodonit, në det, është konstatuar dhe më pas sekuestruar një sasi e dyshuar si lëndë narkotike, e ndarë në 22 pako.
Grupi hetimor në bashkëpunim me Prokurorinë e Krimeve të Rënda vijojnë hetimet për zbulimin e origjinës së lëndës, identifikimin e personave të përfshirë në këtë aktivitet kriminal dhe zbardhjen e plotë të ngjarjes. Materialet i kaluan Prokurorisë së Krimeve të Rënda Tiranë për veprime të mëtejshme.
