Një i mitur është gjetur pa jetë në orët e para të ditës në lagjen nr.14 në Durrës, nga banorët e zonës në Shën Vlash.
13-vjeçari L. Lica, kishte humbur jetën që prej mbrëmjes së djeshme, dhe po kërkohej nga familjarët e tij përgjatë gjithë natës në Durrës, dhe në zonat përreth.
Burimet bëjnë me dije se djali kishte shkuar për t’u larë tek ish-vaskat e peshkut, dhe aty ka humbur jetën duke u mbytur në ujë. Banorët kanë gjetur pranë vaskave edhe rrobat e djalit, që kishte hyrë në ujë për t’u freskuar, por nuk mundi të dilte i gjallë prej andej.
Ai është fëmija i katërt i një familje nga Dibra, që është vendosur prej disa vitesh në lagjen nr.14, në Durrës. Deri më tani nuk dihen rrethanat se si ka ndodhur ngjarja, ndërsa policia po heton rreth zbardhjes së tragjedisë.
