Kryeministri Edi Rama po pret në Durrës mbërritjen e delegacioneve në sajë të takimit informal që do të zhvillojë sot me kryeministrat e Ballkanit Perëndimor.
Takimi informal do të zhvillohen ë Vilat Qeveritare, ndërsa në qendër të tij do të jetë integrimi rajonal, por gjithashtu ekonomia dhe tregtia e përbashkët.
Në këtë takim do të marrin pjesë kryeministrja e Serbisë Ana Brnabiç, kryeministri i Kosovës Isa Mustafa, Kryetari i Këshillit të Ministrave të Bosnje dhe Hercegovinës Denis Zvizdiç, kryeministri i Maqedonisë Zoran Zaev, kryeministri i Malit të Zi Dushko Markoviçm, si dhe komisioneri Johannes Hahn dhe Cyril Muller, Zëvendës Presidenti i Bankës Botërore për Europën dhe Azinë Qendrore.
Në Durrës pritet të jetë i pranishëm edhe komisioneri i BE-së për Zgjerimin e Rajonet, Johannes Hahn.
Pritet që kryeministrat e Ballkanit Perëndimor të diskutojnë më tej dhe të garantojnë angazhim maksimal në nivel të lartë në drejtim të zbatimit të Planit Shumëvjeçar të Veprimit për Zonën Ekonomike Rajonale, për të cilën u ra dakord në Samitin e Triestes.
Më poshtë mund të ndiqni drejpërdrejt pritjen e delegacioneve nga kryeministri Rama:
