Një 24-vjeçare ka tentuar t’i japë fund jetës duke prerë damarët. Ngjarja ka ndodhur në Durrës, ndërsa sipas babait të studentes, fajtorë për tentativën e vetëflijimit janë dy misionare të Jehovait.
Panorama ka zbardhur dëshminë e babit të vajzës, i cili ka parandaluar në kohë aktin e vetëvrasjes, ndërsa më pas ka kryer denoncim në Policinë e Durrësit.
Vajza me inicialet Sh.D., 24 vjeçe, kishte njohur para dy muajsh misionaret në fjalë.
Babai i vajzës, A.D., 46 vjeç, ka pohuar për policinë se e bija ishte mbyllur në vetvete pak kohë pasi kishte nisur që të shoqërohej me dy vajzat e Jehovait, të cilat jetojnë në të njëjtin pallat me familjen e tij.
“Vajza ime i ka takuar këto misionare në rrugë. Ata e kanë pyetur nëse ime bijë kishte interes për të ditur më shumë rreth Jezuit dhe ajo ka pranuar. Prej 2-3 muajsh shkonte në Kishën e Shenjtorëve të Ditëve të Mëvonshme. Që prej kësaj kohe, ajo kishte nisur të ndryshonte sjellje dhe ishte mbyllur në vetvete. E pyesja nëse kishte ndonjë gjë dhe ajo ma mohonte”, ka thënë babai i saj përpara policisë.
Ai pretendon se misionaret i kanë dërguar mesazhe në telefon me përmbajtje të çuditshme. Sipas tij, shkaktaret që e çuan vajzën e tij në tentativë për vetëvrasje janë shtetaset M.M. dhe C.H., që të dyja nga 20 vjeçe dhe jetojnë në të njëjtin pallat ku jeton familja e tij.
j, ka thënë babai i 24-vjeçares për policinë.
46-vjeçari ka pohuar se, nisur nga këto fakte, po e mbante në vëzhgim të bijën dhe një ditë më parë e ka gjetur në tentativë për të prerë damarët e dorës së majtë.
Fatmirësisht, ai e ka kapur në kohë dhe e reja nuk ka arritur që të finalizojë qëllimin e saj. I alarmuar, ai i është drejtuar policisë për të denoncuar rastin në fjalë. Madje, ai kishte marrë me vete edhe të bijën që të dëshmonte, e cila aktualisht është studente.
