Klodian Duro ka bërë një analizë të shkurtër rreth rrugëtimit të Partizanit dhe Tiranës në Ligën e Europës. Ai është një ish-futbollist që ka veshur fanellat e të dy ekipeve të kryeqytetit dhe e shikon situatën në një këndvështrim të dyanshëm.
Duke shprehur pritshmërinë që kishte nga klubi i Partizanit, nisur me performancën dhe përvojën e vitit që shkoi, Duro ka treguar për “TV Klan” se si Partizanit por edhe Tiranës iu mungon një projekt i qartë për të ecur në Europë.
“Për mua pika kryesore është projekti i klubit, që nga viti në vit të forcohet dhe që të bëjë të mundur pjesëmarrjen në grupet e Ligës së Europës apo edhe Ligës së Kampionëve.
Ky duhet të ishte viti i Partizanit duke parë edhe përvojën në sezonin e kaluar. Mendoj që këto ishin mundësitë për Tiranën, ndërsa kjo u kthye në një përvojë për futbollistët e rinj”, u shpreh ish-mesfushori i Kombëtares.
Partizani
https://www.facebook.com/tiranatodaycom/videos/314230605688350/
Ekipi kryeqytetas i Partizanit u gjunjëzua që në ndeshjen e parë kualifikuese për “Europa League” me rezultatin 1-3 në “Selman Stërmasi”. Sipas hedhjes së shortit Partizani u vendos përballë ekipit Botev Plovdiv. Edhe pse të kuqtë zbritën në fushë me formacionin më të mirë të mundshëm duke u bazuar në lojtarët që trajneri Sulejman Starova ka në dispozicion, Partizani nuk ja doli.
Ndërkohë që pas humbjes së ndeshjes së parë në shtëpi, drejtori i përgjithshëm i klubit të Partizanit, Genci Tomorri, është dorëhequr.
Aventura e Partizanit në Europa League mori fund, pas humbjes 1:0 në ndeshjen e kthimit te skuadra bullgare, Botev Plovdiv. Pas dy ndeshjeve Partizani u eliminua me rezultat të përgjithshëm 4:1.
Tirana
https://www.facebook.com/tiranatodaycom/videos/317781341999943/
Në takimin e parë Maccabi Tel Aviv-Tirana, skuadra e Maccabi Tel Aviv fituan me rezultatin 2-0. Por edhe pse teknikut i ri Ze Maria ka dëshirë të çojë skuadrën përpara, Maccabi Tel Aviv është një kockë e fortë për ekipin e Tiranës dhe që në momentin e hedhjes së shortit ishte parashikuar vështirësia që Tirana do haste.
Në takimin e dytë, izraelitët ia kanë dalë sërish të mundin bardhe blutë në “Selman Stërmasi” me rezultatin e thellë 0-3 duke siguruar kualifikimin për fazën e dytë të “Europa League”, dhe duke lënë pas ekipin e Tiranës.
