Nesër në “Selman Stermasi” dot zhvillohet ndeshja mes Partizanit dhe Flamurtarit, të cilat kanë diferencën me një pikë në renditje ku vlonjatët qëndrojnë më lart. Shpëtim Duro kthehet të luaj kundër ekipit ku ka kaluar pjesën më të madhe të karrierës si futbollist, por edhe si trajnerë ka qenë në krye të Partizanit për disa vite. Ai beson se Flamurtari i tij ka potencialin e duhur për të përballuar ‘demat e kuq” dhe çdo kundërshtarë tjetër në Superiore.
“Është e veçantë për mua që të jem si kundërshtar i Partizanit, pasi një pjesë të karrierës sime si futbollist dhe si trajner i kam kaluar te kjo skuadër. Sigurisht ne e kemi potencialin e duhur për të përballuar si Partizanin ashtu dhe skuadrat e tjera”, u shpreh Duro.
Flamurtari një ditë më parë ka marrë një dënim nga Komisioni i Disiplinës pranë FSHF, ku duhet të paguajë një gjobë dhe të luajë 4 ndeshje pa tifozë. Dënim që është kundërshtuar nga ekipi vlonjate pasi nuk ekziston në rregulloren e FSHF. Për këtë çështje Duro nuk ka preferuar të flasë, por është shprehur thjesht se ata janë mësuar tashmë me këto gjëra dhe nuk u bën përshtypje.“Nuk është mirë që ky dënim erdhi 2 ditë përpara ndeshjes, por unë jam trajner dhe nuk më takon të flas për këtë. Megjithatë, duke parë po e bëj vitin këtu te Flamurtari, mund të them fare mirë se jemi mësuar me këtë”, përfundoi trajneri vlonjateve.
