Shpëtim Duro duket mjaft i lumtur dhe i kënaqur me takimin e sotëm, si me 3 pikët, ashtu edhe me lojën e treguar nga skuadra e tij, ndërsa vlerëson edhe kundërshtarin.
“Më vjen mirë që fituam sepse e kërkuam golin për 90 minuta dhe mendoj se merituam gjithçka. Kamza luajti gjatë gjithë ndeshjes në mbrojtje dhe nuk ishte e lehtë të shënoje, por rëndësi ka që ia dolëm të rikthehemi te fitorja, pas 3 javësh. Ndonëse Flamurtari ndodhet në vendin e 3-të, në ndjekje të skuadrave kryesuese, Duro qëndron me këmbë në tokë dhe thotë se është ende herët për të përcaktuar se sa larg mund të shkojë ky ekip. Trajneri i vlonjatëve nuk e fsheh nevojën për afrimin e 1 ose 2 futbollistëve, të aftë që të bëjnë diferencën. Nuk mund të them se do të rivalizojmë me 3 skuadrat pretendente, që janë Skënderbeu, Partizani, dhe Kukësi, pro ajo që ka rëndësi, është se sivjet kemi një Flamurtar tjetër. Të shohim në merkaton e janarit, ndoshta me ndonjë korrigjim të mirë që mund të bëjmë, ndoshta mund të kërkojmë edhe më shumë”, tha trajneri i vlonjateve, Duro.
Trajneri i Kamzës, Ramazan Ndreu u shpreh i zhgënjyer për humbjen në Vlorë, teksa akuzoi se presioni i ushtruar ndaj arbitrave, solli gabime deçizive nga ana e tyre.
“Nuk mund ta imagjinoj se si mund të luhet një takim, kur ndaj arbitrave ushtrohet aq shumë presion para ndeshjes. Kam dyshimet e mia për golin e anuluar, sepse nuk pashë faull më parë, por edhe për një penallti të mohuar ndaj nesh. Jemi skuadër e ndërtuar rishtazi dhe objektivi ynë është të qendrojmë në mesin e tabelës. Me aq sa kam parë në këto 7 javë, them se jemi në gjendje të arrijmë këtë objektiv. Gjithsesi, uroj që ndeshje si kjo, me presion ndaj gjyqtarëve dhe me gabime të tilla, të mos përsëriten më, as për ne dhe as për skuadrat e tjera”, tha trajneri Ndreu.
