Fiorin Durmishaj është lojtari i momentit në Superligën greke. Sulmuesi i përfaqësueses së 21-vjeçarëve të Shqipërisë i dha fitoren Panioniosit në Athinë, përballë Panathinakosit. Talenti kuqezi shënoi në të 73-ën golin që vendosi fatin e ndeshjes, vetëm 12 minuta pasi u hodh në fushë, ku zëvendësoi sulmuesin turko-gjerman, Samed Yeşil.
Me golin e shënuar, Durmishaj i dha suksesin skuadrës së tij në javën e 13-të të kampionatit, me Panioniosin që kthehet te fitorja që mungonte prej pesë ndeshjesh dhe i afrohet zonës së kupave të Europës. Për 21-vjeçarin që është shndërruar në një prej shpresave më të mëdha të futbollit shqiptar ky ishte goli i tretë sezonal në Superligë, pas atyre përballë ekipit të Korfuzit dhe Olympiakosit të Pireut. Kujtojmë që kombëtarja greke është duke e joshur të riun shqiptarë që të bashkohet me ata, por zgjedhja e Durmishajt tashmë është bërë dhe ai do të jetë një ndër lojtarët kuç të së ardhmes.
