Në emisionin ku kryefjalë ishte dhuna e grave nga burrat, Grida Duma ka shfrytëzuar mundësinë për të sjellë në fokus sjelljen e Ramës ndaj gjinisë tjetër. Teksa ka komentuar gazetaren Rudina Xhunga, ajo ka sjellë në vëmendje emisionin kur në studio kishte të ftuar kryeministrin Edi Rama.
“Një grua nuk trajtohet ashtu”, u shpreh Duma.
“Je një nga gazetaret më të mira, por do kujtoj një ditë që kryeminsitri të përqesh. Ai bën gjeste prej maceje, si guxon ai?”, pyeti deputetja e PD-së, duke shtuar:
“Sepse Rudina është një model dhe shoqëria vihet në rrezik. Ai mund ta ironizojë Rudinën, por ai që e sheh se një nga gazetaret më të mira, një grua, trajtohet ashtu … Kur je kryeministër, je i detyruar të sillesh ndryshe, ke përgjegjësi”.
Ndërsa moderatorja Xhunga tha se nuk harxhon asnjë minutë duke komentuar Ramën, dhe se ajo është në shërbim të misionit të saj.
“Këtë emision e bëj për gratë. Unë jam e parëndësishme në këtë emision. Jam në shërbim të këtyre njerëzve, ndaj nuk dua të harxhoj asnjë minutë duke komentuar Ramën. Ka burra që të vrasin me fjalë dhe më armë, por unë nuk do përgjigjem sot. Unë bëra gazetaren”, përfundoi Xhunga.
