“Burim frymëzimi dhe force”, kështu i ka cilësuar deputetja Grida Duma të gjithë studentët që kanë braktisur auditoret për të protestuar para Kryeministrisë.
Në një video selfie të filmuar në një auditor bosh, Duma shprehet se studentët sot nuk po marrin leksione, por po japin leksione.
Deputetja e PD-së, njëherësh pedagoge tek Fakulteti i Shkencave Sociale, shkruan teksa publikon videon:
“Në mbi 15 vite leksione nga sallat e universitetit, sot sallat janë bosh dhe studentët nuk marrin por po japin leksione. Ata i dhanë një leksion të madh “parisë” prepotente të vendit dhe nën acarin e stinës ngrohën shpresën më të madhe të shqiptarëve për ndryshim”.
