Pas lajmit për shtatzëninë e saj të tretë, Dukesha Kate është shfaqur për herë të parë në një film të animuar, i cili nxit prindërit t’u mësojnë fëmijëve se si të jenë të hapur për ndjenjat e tyre.
Por, mesa duket video mendohet të jetë regjistruar që në janar, pasi për momentin Kate është detyruar të marrë pushim nga detyrat publike për shkak të gjendjes së rëndë shëndetësore.
Në videon 1-minutëshe Kate u kërkon prindërve të inkurajojnë fëmijët e tyre të jenë të hapur me ndjenjat e tyre.
Gjatë videos ajo është shprehur se “si prindër, ne të gjithë duam që fëmijët tanë të kenë fillimin më të mirë të mundshëm në jetë”.
