Akrepat e orës do të kthehen një orë prapa në orën 03:00 të mëngjesit, ditën e nesërme më 27 tetor.
Me rikthimin e orës diellore, ne biem në errësirën e dimrit, ku do të errësohet më shpejt por do të kemi mundësi të flemë një orë më shumë. Kujtojmë se Parlamenti Evropian ka marrë vendimin për të mos e ndryshuar më orën prej muajit mars të vitit që vjen.
Ora diellore do të mbetet në fuqi deri në 29 mars të 2020, më pas në vitin pasardhës gjithçka do të vendoset nga vetë shtetet e Bashkimit Evropian për të vendosur kë orë do të mbajnë. Ende nuk dihet se si do të vijojë të funksionojë në Shqipëri, por këtë herë ndryshimi do të jetë më 27 tetor.
