Presidenti i Federatës Shqiptare, Armand Duka, është i ftuar në emision “Far Play” të Enkeileda Zekos do të shpalosë platformën e tij për katër vitet e ardhshme nëse do të jetë në krye të FSHF-së. Po ashtu do të komentojë edhe kandidimin e Bashkim Finos, si dhe gjithë arritjet që ka bërë FSH nën drejtimin e tij. Më kryesorja është ajo e zgjedhjeve për kreun e FSHF-së.
Si asnjëherë tjetër janë zgjedhje shumë të diskutuara. Sa më i bukur është futbolli aq më shumë interes ka. Është 1 nga institucionet më nga të organizuara në Shqipëri. Ka 20 vjet, asnjëherë futbolli nuk ka qenë në këto nivele. Më kënaq që është temë shumë e diskutuar e momentit. Uroj që këto diskutime të jenë në të mirë të lojës që diskutojmë. Nuk kam pasur asnjë pikpyetje për kandidimit. Thjesht kam respektuar statutet. Çdo gjë është bërë konform statuti dhe rregulli.
Presidenti gjithmonë 45 ditë para shpall datën e zgjedhjeve. Është hipokrizi të thuash që njerzit nuk kishin mundësi të përgatiteshin. Kam dëgjuar diskutime dhe për kandidatin aktual. Kam pritur dhe reagim e komitetit me të cilin unë kam punuar.
Kishit dijeni që Fino do të shpallte kandidaturën?
Futbolli është gjëja më e rëndësishme e një vendi të vogël. Ka ditë që diskutohet. Dëgjova televizionin publik që trumbetonte sikur do ndante çmimin “Oskar” që Fino do të shpallte kandidaturën.
“Nuk kam pasur dilema për kandidimin, por kam respektuar rregulloren. Sipas statusit, 30 ditë para u shpall gara për kreun e FSHF. Për të mos cenuar rregullat unë i kam respektuar dhe kam pritur edhe reagimin e kolektivit që unë kam punuar. Kandididimi i Bashkim Finos nuk ishte një surprizë, pasi është folur edhe me herët. Nuk kam menduar të tërhiqem nga kandidimi për kreun e FSHF. Në këto vite kemi bërë shumë si FSHF. Ekipi ka punuar mirë dhe ka bërë shumë ndryshime”- tha Duka.
Sponsori kryesor i kombëtares ka enë kompania telefonike “Plus”, ku ju keni qenë aksionarë kryesor. Ka konflikt interesi këtu?
Mua më vjen keq që kjo kompani nuk ekziston më dhe që nuk është një kompani shqiptare që të jetë sponsor i kombëtares. Unë kurrsesi nuk kam fituar asgjë me anë të kësaj kontrate, pasi është ekipi dhe Federata që përfiton nga kjo kontratë. Është kompania që sponsorizon që hedh para për ekipin dhe jo Federata për kompaninë.
“Nuk kam shpenzuar asgjë nga FSHF, as për dieta, apo për gjëra të tjera. Ndoshta ka përfituar Federata më shumë nga unë. Unë nuk jam marrë me menaxhimin direkt të bizneseve të mija. Bizneset e mija nuk kanë përfituar nga futbolli, përkundrazi bizneset e mija ndonjëherë e kanë pësuar nga futbolli. Nuk ka asnjë kontestim për çështjen e sponsoreve në FSHF. Në çdo rast kur unë kam pasur akuza dhe përplasje, qoftë me qeverinë apo me individë janë cenuar bizneset e mija”- tha Duka.
