Presidenti i Federatë Shqiptare të Futbollit, Armand Duka në një intervistë për “Supersport”, ka prekur tema mjaft të rëndësishme sa i përket futbollit në Shqipëri. Akuzat që vijnë nga ekipet e kategorisë Superiore drejt FSHF-s, deri tek largimi i De Biasit dhe zgjedhja e trajnerit të ri.
Akuzat e Partizanit dhe Flamurtarit
Çdo ekip që humb, ose nuk arrin atë që dëshiron, e kërkon gabimin te tjetër. Edhe kur nuk ka drita, thonë që fajin e ka federata. Fajin e kanë vetë dhe jo ne. Në fund në çdo ndeshje skuadrat marrin atë që dëshirojnë. Në momentin që çdo përgjegjësi sportive ja delegon diku tjetër kjo ndikon negativisht në ekip. Nëse ke probleme dhe halle duhet t’i zgjidhësh brenda familjes, dhe ankesat që ke duhet t’i paraqesësh te organet kompetente. Mendoj se më mirë do ishte ankesa institucionale dhe jo publike apo në media.
Largimi i De Biazit
“De Biazi gjatë kohës që erdhi tha se ju kam gjetur kur ju rrihte Luksenburgu dhe në fakt u largua pas asaj humbje. Ajo humbje i bëri mirë skuadrës. Pas asaj ndeshje futbollistët e ndjenë frikë në kockë, dhe besoj se ishte një gjë e mirë. De Biazi i ndjek më mirë se unë mediat shqiptare. Komunikojmë rregullisht”.
PËRZGJEDHJA E TRAJNERIT TË RI
“Në atë kohë, janë publikuar emrat. Kanë qenë kandidatë që ne i kemi intervistuar: Sedorf, Zenga, Ish-trajneri i Udinezes. Vërtetë që ishin trajnerë të mirë me karakteristikat e tyre. Sedorf, për mua, ishte një nga njerëzit më intelektualë, më i përgatitur, i superedukuar, me gjithë të mirat që mund të ketë një person. Nga më të mirët që unë kam parë në botën e futbollit. Por, nuk më bindte për postin e trajnerit.
Është një tjetër gjë. Nëse do ta zgjidhja për çdo gjë tjetër, ishte një super intelektual. Më ka lënë mbresa të jashtëzakonshme. Dhe nuk e mendoja që mund të vinte një ditë, që ne përfaqësuesit e Shqipërisë, do t’i thoshim jo, ose do të refuzonim një kandidaturë të tillë, kaq të madh, kaq të përgatitur dhe kaq intelektuale.
Edhe të tjetër gjithashtu. Di Kanio, një njeri me shumë eksperiencë, shumë i përgatitur dhe shumë i qetë. Edhe ai mund ta ndihmonte skuadrën. Por, Panuçi më ka bindur me një dëshirë dhe pasion shumë më të madh se të tjerët. Me grintë shumë më të madhe dhe këto janë të rëndësishme për mua në futboll. Edhe De Biazin e kam zgjedhur për të njëjtat karakteristika”
Kombëtarja
“Jam i kënaqur me pikët që kemi arritur në pikë, duke marrë parasysh kundërshtarët. Fillimi i post 2006, pati atë grafikun e rënies, por sipas analizës sime përfundoi në ndeshjen në Izrael. Për ndeshjen me Izraelin në shtëpi, por nuk besoj se mund të kishim arritur më shumë.
Më erdhi keq për Italinë, pasi do të doja që të merrte pjesë në Europian. Nëse ne do të ishim në “play off” ndoshta do të ishim më të fortë se Italia. Vendimi për të ndryshuar stafin në katër ndeshjet e fundit zyrtare, u mor për t’i shërbyer objektivit për në Euro 2020. Nuk mund të them se është një ‘bast i fituar’, pasi duhet të presim. Kam besim se do të shkojë mirë”.
