Është mbyllur në barazim 1-1 ndeshja mes Danimarkës dhe Australisë, e vlefshme për grupin C ku danezët momentalisht janë të parët. Pritej që të ishte një ndeshje e luftuar fort, pasi forca fizike e të dy skuadrave janë të mëdha dhe duelet do të ishin kryesisht në mesfushë.
Danezët kishin një start të përsosur, pas 7’ minutash lojë arritën të kalojnë në avantazh falë golit të Christian Eriksen. Dukej se Danimarka do ta kishte mjaft të lehtë këtë ndeshje por ndodhi krejt e kundërta, australianët hidhen në sulm dhe luftojnë për çdo top pasi nuk kishin më asgjë për të humbur.
Në minutën e 38’ ndërhyn VAR dhe akordon një penallti për Australinë, e cila kthehet në gol nga Jedinak. Ishte Poulsen ai që ndali topin në dorë në zonë.
Pas pushimit ndeshja ishte e barabartë, në vijë me rezultatin. Danezët mbrohen mirë por nuk prodhojnë mjaftueshëm në fazën ofensive, duke gabuar shpeshherë në pasimin e fundit. Një pikë për të dyja skuadrat, duke dërguar Danimarkën në vend të parë, ndërsa Australia merr pikën e parë.
