Këngëtarja me famë botërore, Bebe Rexha ka propozuar atë që shumë prej nesh u ka shkuar në mendje: një bashkëpunim mes shqiptareve që po bëjnë bujë në muzikë.
Në një postim në Twitter, ajo ka shkruar shkurt: Dua një bashkëpunim me Dua Lipa, Rita Ora dhe Ava Max.
Kjo e fundit ka reaguar pozitivisht, ndërsa nga ana e Duas dhe Ritës nuk ka pasur një përgjigje.
Mes tyre është komentuar shpesh për një mungesë miqësie, edhe pse të dyja shqiptare dhe shumë të njohura. Edhe në evente të rëndësishme, shqiptaret e kanë shmangur njëra-tjetrën.
Ndërkohë, mendohet se shkak për këtë është fakti se Dua i ka kërkuar ndihmë Rita Orës në hapat e saj të parë të karrierës, por ajo ka refuzuar ta ndihmojë.
A do jetë Bebe Rexha ajo që do e thyejë ‘akullin’ mes shqiptareve? Kjo mbetet për t’u parë, teksa këngëtarja me origjinë dibrane është mikeshë shume e mirë me Duan dhe me Ritën.
