Dua Lipa është nderuar me çmimin “Ascap Vanguard” nga American Society of Composers, Authors and Publishers (ASCAP). Këngëtarja kosovare me famë botërore bëri bujë me këngën e saj “New Rules”, e cila ka arritur mbi 407 milionë klikime.
“Jam shumë mirënjohëse që fitoj këtë çmim mes artistëve që i admiroj kaq shumë”, ka thënë Dua Lipa për mediet ndërkombëtare.
Ceremonia e çmimeve “ASCAP” mbahet çdo vit dhe prezantohet nga Shoqëria amerikane e kompozitorëve, autorëve dhe publikuesve, për hir të “ndikimit në zhanret e reja muzikore dhe zhvillimin e tyre”.
