Dua Lipa premton se do ta bëjë të paharrueshëm 26 majin në Kiev

Dua Lipa është zgjedhur nga organizatorët e kompeticionit më të madh të futbollit europian, si diva që do të këndojë në ceremoninë e Champions League. Këngëtarja shqiptare është shprehur se ishte ndjerë shumë e vlerësuar kur UEFA dhe Pepsi i ka kërkuar që të performojë para nisjes së finales së madhe në Kiev.Ajo do të këndojë hite nga albumi debutues që mban emrin e saj, i cili është shitur në 18 vende të botës. Albumi i superyllit botëror ka shitur mbi 2.2 milionë kopje dhe 17 milionë singles në gjithë botën.“UEFA dhe Pepsi më kanë nderuar duke më kërkuar të performoj në ceremoninë hapëse të finales së Ligës së Kampionëve, është një mundësi që të vjen një herë në jetë”, ka thënë Dua për websiten zyrtar të UEFA-s.“Mezi pres të dal para adhuruesve dhe të jem pjesë e një ngjarjeje kaq emocionuese, planifikoj të ofroj një shfaqje të paharrueshme!” Finalja mes Liverpoolit dhe Real Madridit do të luhet më 26 maj me fillim në orën 21:45.