Gjykata e Krimeve të Rënda caktoi masën e sigurisë ‘arrest me burg’ për gjashtë nga tetë personat e arrestuar, si të përfshirë në trafikun e 1.5 tonë kanabis drejt Italisë. Lënda narkotike u sekuestrua ditën e shtunë në fshatin Vilun të Velipojës, ku mes personave të arrestuar ishte dhe punonjësi i policisë, Enriko Zyle.
Policia arrestoi sot personin e tetë të përfshirë në këtë rast trafiku, ndërsa gjykata ka lënë në burg shtetasit Enriko Zyla, Sokol Ujka, Arben Bozhanaj, Dervish Gjoleka, Fatjon Merko dhe Genti Dano.
Të arrestuarit janë: Sokol Ujka, 42 vjeç, banues në Velipojë Shkodër, Arbër Bozhanaj, 30 vjeç, banues në Orikum, Genti Dano, 35 vjeç, banues në Selenicë, Dervish Gjolekaj, 32 vjeç, banues në Dukat, J.B., 20 vjeç, banues në Orikum, F.M., 32 vjeç, banues në Përmet, si dhe shtetasi Gjovalin Ndoj, banues në Lezhë, i cili u arrestua ditën e sotme.
Emri/ Droga në Vilun, kapet një tjetër trafikant
Një tjetër person ka rënë në prangat e policisë së Shkodrës, në vijim të operacionit “VILUNI BEACH, ku në 11 Nëntor u sekuestruan rreth 1.5 ton kanabis dhe u arrestuan disa persona. Në pranga ra Gjovalin Ndoj, 30 vjeç, banues në Lezhë. Ndoj ishte shpallur në kërkim si bashkëpunëtor i grupit që u arrestuan ditën që ndodhi aksioni.
Materialet do i referohen Prokurorisë për Krimet e Rënda Tiranë, për veprën penale “Trakim i lëndëve narkotike e kryer në bashkëpunim, mbetur në tentative”, parashikuar nga neni 283/a 25 dhe 22 të Kodit Penal.
