Nga mediat italiane raportohet se Milan ka anuluar festën e Krishtlindjeve pas humbjes 3-0 ndaj Verona-s të dielën. Sipas Sy Sport Italia, lojtarët, bashkë me familjet e tyre, trajnerët dhe drejtorët duhet të hanin darkë së bashku gjatë mbrëmjes së hënë. Por, për shkak të kohës së vështirë që po kalon klubi kuqezi, Sky pretendon se mbrëmja festive është anuluar. Ndeshja e radhës për të besuarit e Gennaro Gattuso-s do të jetë të shtunën, ndaj një kundërshtari të fortë si Atalanta.
Atmosfera në ambientin kuqezi është mjaft e rënduar, pas humbjes së rëndë 3-0 në ‘Bentegodi’ ndaj Veronës, por edhe rezultateve negative në vijimësi. Gjatë orëve të paradites, drejtuesit e klubit të Milanit kanë dalë edhe në një deklaratë për shtyp, ku kanë pranuar situatën e rëndë, por kanë bërë thirrje që të mos abuzohet me kritikat dhe talljet ndaj kuqezinjve, por të respektohet dinjiteti i çdonjërit prej tyre.
