Interi edhe pse është nën vëzhgim të Fair Play-n Financiar ka filluar të bëjë disa blerje mjaft të rëndësishme pasi do të luaj në Champions League, sot ishte dita e Radja Nainggolan dhe Drejtori Sportiv i zikaltërve. Piero Ausilio ka sqaruar situatën në të cilën ndodhet klubi dhe të ardhmen e disa prej lojtarëve më të rëndësishëm. Ai është shprehur se kapiteni Mauro Icardi nuk është prioritet për ekipin, pasi ai ka një kontratë dhe rinovimin e tij do ta bëjmë në një moment tjetër.
“Për Fair Play-n na mungon akoma edhe diçka e vogël, por deri më 30 Qershor do t’ia dalim. Sot ishte dita e Radja, një futbollist shumë i rëndësishëm për projektin tonë. Sa i përket merkatos, kam folur sot me Spallettin, për të përcaktuar rrugën që do të ndjekim. Malcom është një futbollist shumë interesant, por për sa kohë që i përket një tjetër skuadre, nuk na mbetet gjë tjetër veçse ta mbajmë nën vëzhgim. Keni përmendur shumë emra, por e vërteta është që na duhen edhe 2-3 lojtarë dhe merkatoja jonë mbyllet më pas”, deklaroi Ausilio.
Rinovimi i Mauro Icardit, por edhe e ardhmja e dyshes kroate, Perisiç-Brozoviç, kanë qenë gjithashtu çështjet që kanë prodhuar lajm në këtë periudhë merkatoje. Vetë Drejtori Sportiv i zikaltërve konfirmoi që të tre lojtarët, ndërsa tha se shumë shpejt do të flasë edhe për rinovimin e Icardit.
“Me Icardin do të ulemi të diskutojmë rinovimin dhe këtë ia kemi bërë të qartë edhe lojtarit, por për momentin jemi të përqendruar te punë të tjera, që kanë një afat. Sa i përket dy kroatëve, qëndrojnë te Interi dhe luajnë në Champions League”, tha Piero Ausilio.
