Sasia e madhe e kokainës prej 613 kg që u sekuestrua në Durrës mori vëmendje të madhe në vend por edhe ndërkombëtare. Se si u bë sekuestrimi i kokainës me indice apo pandihmën e të huajve, kjo është akoma një çështje që ha debat në politikën shqiptare.
Por në të gjithë këtë zhurmë mediave deri tan i u ka shpëtuar një detaj mjaft i rëndësishëm. Prokuroria dhe Policia pretendojnë se gjithçka është mbajtur sekret para se të ndodhte operacioni për sekuestrimin e drogës. Por droga është sekuestruar më datë 27 shkurt, por më 23 shkurt, pra katër ditë përpara operacionit ka dhënë dorëheqjen dhe Drejtori i Portit të Durrësit, Artjan Qirici, i cili kishte vetëm 4 muaj që ishte zgjedhur në këtë detyrë. Për këtë largim nuk pati asnjë arsye zyrtare.
Në portalin faktor.al shkruhet se Qirici është sinjalizuar nga një deputet i Komisionit të Sigurisë për mundësinë e një operacioni policor dhe që të mos jetë në detyrë kur të ndodhë operacioni sepse mund t’i digjte karrierën politike në qarkun e Beratit. Zgjedhjet lokale po afrojnë dhe kandidatët duhet të jenë qelibar. Qirici u emërua në këtë detyrë me 23 tetor 2017 me propozim të Ministrit të Infrastrukturës dhe Energjisë Damian Gjiknuri.
Nëse ka pasur sinjalizime apo jo nga ndërkombëtarët nuk mund ta themi, por një tjetër fakt kokëfortë është se dy ditë më përpara se të kapej sasia e kokainës, ose me saktë që bë publike, nga Shqipëria ishte larguar pronari i kompanisë, Arbër Çekaj, i cili ishte shpallur në kërkim.
