Edhe në ambientet e burgut të Fierit është festuar 106 vjetori i Pavarësisë. Një tjetër atmosferë është përcjellë sot për të burgosurit. Në ambientet e institucionit të vuajtjes së dënimit, janë zhvilluar aktivitete argëtuese, ku kanë marrë pjesë artistë dhe këngëtarë të ndryshëm. Para të pranishmëve ka mbajtur fjalën edhe drejtori Arjan Hasani, i cili ka folur edhe për punësimin e të burgosurve.
“Një falenderim të veçantë e kam për banorët e përkohshëm, të cilët vuajnë dënimin në këtë institucion. Për ata që asnjëherë nuk i kam konsideruar si vuajtës të një dënimi, por si pjesë e një misioni të përbashkët, që ka në fokus të përbashkët, që ka në fokus bashkëjetesën, harmoninë dhe tolerancën”, ka thënë ai.
Hasani theksoi më tej se është ndërmarrë nisma për punësimin e të dënuarve në një firmë italiane për prodhim çantash, ku do punësohen 200 të burgosur.
